|
Björgunarsveitin Húnar . |
||
10.05.2012 17:28Peysudagur SL 11.maíHilmar Snorrason, skólastjóri Slysavarnaskóla sjómanna fékk þá hugmynd, að halda árlegan "Peysudag" félagsins og var hún framkvæmd í fyrsta skipti árið 2009. Ætlunin er sú að þann dag á hverju ári skrýðist félagsfólk merktum fatnaði (t.d. rauðu flíspeysunum) við sín daglegu störf. Þannig má gera félagið og meðlimi þess sýnilega víða um þjóðfélagið. 11. maí þykir heppilegur "Peysudagur" þar sem hann hefur sterka skírskotun í sögu félagsins en hann var áður svokallaður lokadagur. Skrifað af GÖJ 09.05.2012 22:17Heimsóknarferðin Tekið við Hafnarfjarðarhöfn. 1.maí s.l. fórum við í okkar árlegu heimsóknarferð og var haldið á höfðuborgarsvæðið. Byrjað var að taka hús hjá Björgunarsveitinni Kili Kjalarnesi, því næst var haldið í Garðabæ þar sem litið var inn hjá Hjálparsveit Skáta. Eftir heimsóknina í Garðabæ var haldið í Hafnarfjörð þar sem við heimsóttum Björgunarsveit Hafnarfjarðar og síðast var farið í Kópavoginn í kíkt inn hjá Hjálparsveit Skáta. Þessar árlegu ferðir okkar hafa skilað inn miklu inn í starfið bæði með því að kynnast félögum vítt um landi og líka lærum við alltaf eitthvað nýtt er við sjáum hvernig aðrar björgunarsveitir halda á málunum. Með okkur í ferðinni voru félagar okkar á Skagaströnd. Við viljum koma þakklæti okka til þeirra sem gáfu sér tíma til að taka á móti okkur í ferðinni. Nokkar myndir eru inni á myndaalbúminu hérna. Skrifað af GÖJ 03.05.2012 23:19Tilboð frá Olís
25.04.2012 20:44Útivist og björgunarsveit Tekið á Laugastapa s.l. laugardag. S.l. laugardag fórum við með hópinn sem verið hefur í Útivist og björgunarsveit á lokadaginn hjá hópnum en hann hófst með rötunarverkefni og síðan tók hvert verkefnið við af öðru böruburður, sig og sigling. Dagurinn gekk vel og stóð hópurinn sig vel í þeim verkefnum sem lögð voru fyrir hann. Búið að er að setja inn nokkrar myndir frá deginum á myndaalbúmið. Skrifað af GÖJ 24.04.2012 23:34Heimsóknaferð 1.maíÞá er komið að hinni árlegu heimsóknaferð sem farin verður 1.maí n.k.
Það verður farið á höfuðborgarsvæði þ.e.a.s. í kringum Reykjavík. Ætlum
við að heimsækja eftirtaldar björgunarsveitir.
Lagt verður af stað
frá Húnabúð kl 08:00. Skráning og nánari upplýsingar hjá formanni í síma
858 9216 eða senda línu á bjsvhunar@simnet.is Skrifað af GÖJ 10.04.2012 23:02Lokadagur Tekið á lokadeginum s.l. ár. Lokadagur í unglingastarfinu sem við erum að vinna með grunnskólanum verður laugardaginn 21.apríl n.k. og nú vantar mannskap til að vinna að þessu verkefni en ætlunin er að hafa hann með svipuðu sniði og s.l. ár þ.e.a.s. að þau taki m.a. rötun, sig og siglingu. Þið sem getið verið með í þessu skemmtilega verkefni hafið samband við formann eða Magnús Eðvaldsson. Skrifað af GÖJ 29.03.2012 18:54Aðalfundur Aðalfundur Björgunarsveitarinnar Húna verður í Húnabúð Hvammstanga föstudaginn 30.apríl kl 20:00. Dagskrá samkvæmt lögum um aðalfund. Nýjir félagar eru boðnir velkomnir. Stjórn Bjsv. Húna 28.03.2012 08:56KuldagallarnirKuldagallarnir eru komnir í hús og þið sem áttuð pantaða galla hafið samband við Gústa, Pétur eða Gunnar Örn. Þeir verða einnig til afhendingar á Aðalfundinum n.k. föstudag. Skrifað af Gunnar Örn 25.03.2012 10:32TröllakirkjaToppurinn á Tröllakirkju í blíðunni í gærdag og VHF endurvarpinn sem er staðsettur á toppnum sést velá myndinni. Mynd: GÖJ Í blíðunni í gær fórum við nokkrir félagar úr sveitinni með nokkrum öðrum góðum ferðafélögum vestur á Holtavöruheiði og var fyrsta verkefnið að komast upp á Tröllakirkju og sinna viðhaldi á VHF endurvarpa björgunarsveitana en hann er staðsettur á toppi fjallssins (1.001 m.y.s.) og hafði verið bilaður um nokkurn tíma en ekki hefur viðrað þar til nú til að sinna viðhaldi á honum. Vel gekk að koma endurvarpanum í lag og prófanir gáfu til kynna að hann virkar jafnvel og áður. Er við héldum heim á leið var lengri leiðin farin heim yfir Svínadal, Haukadalsskarð með viðkomu á Geldingafelli og þaðan norður á Laxárdalsheiði. Nokkrar myndir frá í gær er hægt að skoða hérna. Skrifað af GÖJ 23.03.2012 11:19TröllakirkjaÆfingaferð verður á Tröllakirkju á morgun laugardaginn 24.mars. Farið verður frá Húnabúð kl 08:00. Í leiðinni á að sinna viðhaldi á VHF endurvarpanum á fjallinu. Nánari upplýsingar hjá formanni. Skrifað af Gunnar Örn 13.03.2012 22:25Aðstoð Borgavirki Tekið við Borgarvirkiu fyrir nokkrum árum er annar bíll festi sig á þessar leið. Í gær var óskað eftir aðstoð okkar en erlendir ferðamenn lentu í vandræðum í brekkunni sunnan við Borgarvirki og festu jeppa sinn. Að sjálfsögðu brugðumst við jákvætt við aðstoðarbeiðninni og var farið á Húna 2 og bíll fólkssins dregin upp og gekk verkefnið vel. Skrifað af Gunnar Örn 11.03.2012 14:50Frekar hvasst í dagÞað er búið að vera frekar hvasst í dag eins og má sjá á Vegsjá Vegagerðarinnar en þar hafa rauðu litirnir verið í allsráðandi í dag á vefsjánni. En vefsjáin er ansi þægileg síða til að skoða yfirlit stöðuna á veðrinu og er hægt að kíkja inn á hana á þessum link http://vegasja.vegagerdin.is/ . Skrifað af Gunnar Örn 10.03.2012 13:19HoltavörðuheiðiVar að skrifa um einhæfan fréttaflutning á síðunni í morgun og nú er fréttaflutningurinn orðin eins og rispuð plata. En beðið var um aðstoð okkar upp úr hádegi en vegfarandi lenti utan vegar norðan í heiðinni, nánar tiltekið í Grænumýrarhallinu. Farið var á Húna 4 frá Borðeyri og gekk vel að koma bílnum upp á veg aftur. En veðurhæð hefur verið að aukast á heiðinni eftir því sem hefur liðið á morguninn og nú sunnan 20 og gengur hærra í vindhviðum. Skrifað af Gunnar Örn 10.03.2012 07:46Holatvörðuh............... Þetta fer að verða frekar einhæfur fréttaflutningur á síðunni hjá okkur en björgunarsveitin var aftur kölluð út í gær upp úr klukkan tvö vegna vegfarenda sem voru í vandræðum á heiðinn. Farið var á Húna 4 frá Borðeyri og Húna 2 Hvammstanga, sem og voru félagar okkar úr Björgunarsveitinni Heiðari í Borgarfirði voru kallaðir út á sama tíma, Svæðisstjórn á svæði 9 hélt utan um aðgerðina frá Blönduósi. Verkefnið var aðstoða vegna fastra bíla í Hæðarsteinsbrekkunni, búið var að leysa svo til alveg úr flækjunni er við komum á staðinn og allir komust aftur af heiðinni á farartækjum sínum en veginum var lokað um tíma meðan verið var að koma snjómokstrinum aftur af stað. Skrifað af Gunnar Örn 09.03.2012 08:24Fastir á Holtavörðuheiði Einhvernvegin svona var skyggnið á heiðinni í nótt að viðbættri ófærðinni. Í nótt um klukkan tvö var óskað eftir aðstoð okkar á Holtavörðuheiði en vegfarandi hafði fest bíl sinn við Miklagil, farið var á Húna 4 frá Borðeyri til aðstoðar. En í þessari ferð voru fleiri ökumenn aðstoðaðri m.a. bílstjóri á "trailer" sem festi sig hátt í heiðinni en stóra dráttavél þurfti til að draga þann bíl upp, sem og voru nokkrir aðrir sem voru á ferðinni aðstoðaðir af heiðinni. Vel gekk að leysa úr þessum verkefnum og voru okkar menn komnir aftur af heiðinni er vel var liðið á nóttina. Þetta er í þriðja skipti í vikunni sem við erum beðnir um að aðstoða vegfarendur sem hafa verið í vandræðum vegna færðar á heiðinni. Skrifað af Gunnar Örn Flettingar í dag: 65 Gestir í dag: 24 Flettingar í gær: 227 Gestir í gær: 73 Samtals flettingar: 630569 Samtals gestir: 132979 Tölur uppfærðar: 16.5.2012 13:16:11 |
Vafraðu umUm okkur Nafn: Björgunarsveitin HúnarTölvupóstfang: bjsvhunar@simnet.isAfmælisdagur: 24.febrúar 2007Heimilisfang: Höfðabraut 30Staðsetning: HvammstangiHeimasími: 451 2622Bankanúmer: 0159-26-1530Flettingar í dag: 65 Gestir í dag: 24 Flettingar í gær: 227 Gestir í gær: 73 Samtals flettingar: 630569 Samtals gestir: 132979 Tölur uppfærðar: 16.5.2012 13:16:11 Tenglar
Eldra efni
clockhere
|
|
